勁歌語錄

解決了技術問題，我現在可以透過電腦看無記和亞視。平時很少看，只試過這邊下午五、六時看清晨重播的《我愛玫瑰園》。今天我們起床後，剛巧看到最後半小時的勁歌。以下是我們九唔搭八的評論︰

拿了男新人金獎的那位，出來唱歌時中間跳了30秒舞(不唱歌)，好似好勁咁，東尼忍不住說︰中央公園大把人識跳啦！有無見過呀？

亞太男歌手看見工作人員做畫圈手勢催促，臉露不悅說「唔講啦！」東尼說︰人地都係打份工姐，駛唔駛咁寸呀！

亞太女歌手聽到自己得獎後表示要為香港增光，東尼說︰乜佢唔係應該「增光」左先至攞呢個獎咩？

最受歡迎女歌手打破了另一位女歌手的「六連霸」美夢，我說︰無記係唔會俾人破梅豔芳的五連霸記錄，所以唔會俾個獎佢。東尼︰始終無記有個前AO有份做決定，結果唔會太離譜。

當「囍帖街」的音樂響起，我們覺得這金曲金獎都算實至名歸，因為看了半小時，除了這首歌，沒有一首我們是聽過的。

說到尾，我們都不明白，這些樂壇頒獎禮充滿政治，拿到獎為什麼要開心？拿不到獎又為什麼要不開心呢？